快訊

紅頂藝人風光一時 蔡頭慘賠1.7億「賣到剩一間房」

評/三軍直升機進駐玉山艦 海軍陸戰隊能三棲作戰嗎?

【台語極短篇】劉靜娟/呼請記持

五日節一個風俗,是佇門前吊一把驅邪避凶的植物,榕仔枝、艾草和茅仔草等。今年上需要避的是肺炎病毒。

我照往年的例,去樓頂剪一寡看起來會當避邪閣有芳味的草。今仔日鉸的是檸檬香茅、香椿、茉莉花和樟仔枝。

也加縛兩束,予蹛(tuà,住)隔壁巷的小妹和伊的後生。

舊年予伊的,伊無擲掉,變成焦燥花,竟然真媠。

這個早起,阮兩姊妹仔喙罨掛咧佇巷仔頭交接五日節避邪的草的場面,予我想起1996年佇義大利中部小山城阿西西,看著兩個查某人佇巷仔開講的畫面;較遠的所在,是對聖方濟教堂行出來的四五位穿烏長衫的教士。

彼是罩雺霧的透早,氣氛茫茫緲緲,不止仔虛幻。

關佇厝內避疫,旅行中的記持敢若特別清楚。

這是我佇面冊頂頭寫的一篇短文;原文是華文。

阿屏幾工前才去讀著,講伊足欣羨我的好記性,竟然旅行時一個小小的風景都記甲遐爾(hiah-nī,那麼)清楚。「人講人老的時記遠無記近,我近的、遠的攏袂記得矣!」

我共伊講,伊無看著我寫這兩三百字的過程。

一開始,我清清楚楚想起彼個畫面;毋過,是佇佗位?佗一個城?佇西西里島抑是像靴管的義大利本土?彼遍的旅行叫作『義大利、西西里精緻旅遊』。到西西里的時,領隊提醒阮,佇遮(在這兒)毋通講一個詞:Mafia;敢若隨時會去拄(tú,遇見)著烏手黨。

阮可能無拄著烏手黨(拄著嘛毋知,烏手黨敢攏像電影「教父」內底的人?),我kan-na(只)會記得佇西西里島看過真濟大石頭的古蹟,和一齣佇廣場演的希臘悲劇。「兩個查某人佇巷仔開講」的幼秀畫面,應當毋是佇遐;義大利本土踏跤到的所在自大都市到小城幾若位,嘛無法度想起彼個予我記甲遮爾清楚的風景是佗位。去查當初我寫的手摺簿仔,並無提起這;旅行的時攏是寫簡單的關鍵字爾。但是,看著阿西西這個地名,我的目睭光起來;上網路去查,足有名的聖方濟教堂佇遮!著,就是遮。

我共阿屏講,為著欲寫彼三百字,彼逝旅行的筆記,我對頭掀到尾;彼逝旅行的風景和團員之間發生的笑詼,我佇頭殼內搬演;閣揣網路。……

我講:「我的記持是按呢呼請來的。」(親像咧呼請神明)。

義大利 教堂 希臘

延伸閱讀

騙女病患「不戴套殺病毒」!義大利狼醫遭設局踢爆惡行

【出版快訊】《上一堂有趣的戲劇課》圖解158部作品與西方戲劇發展史

義大利反制中國論壇 政界齊聲挺台灣、香港

第一人稱驚悚新作《瑪莎已死》明年2月上市 深陷迷信與陰鬱的二戰義大利

相關新聞

【〈歸去來〉系列】蔣勳/貓咪之一

我以前沒有特別親近過貓。

【文學台灣:離島──蘭嶼篇 之1】羅秀芸/孤獨邊境,不孤獨的島嶼

「在這個流動的時代,誰也不該永遠留在一個地方。」

【當代散文】郭強生/東門陰晴(上)

小時候的習慣改不了,東門西門,後頭都還是會順口加上那個町字。

【閱讀‧世界】張錦忠/大象死去的田邊:潘朵拉的詩與抵抗

推薦書:潘朵拉╱詩,李淑、趙曉惠╱譯《和平正跨坐在我們的肩上》(國立中山大學人文研究中心出版)

【雲起時】洪荒/來生做貓

一進臥房,就看到那個小東西,離我不到一尺,背對著門,把三角臉藏在牆和壁櫥之間那個角落。牠謹慎的收起長尾,把身體圈起,像在...

【文學紀念冊】鄭培凱/成一家言的史景遷(上)

他師從房兆楹,因房先生和台灣故宮的負責人關係密切,所以史景遷通過了這種特殊關係,得以最早利用故宮檔案看到康熙御批奏摺。從史學研究的角度,他博士論文所用的第一手資料,是前所未曾披露,非常重要的第一手材料……

商品推薦

udn討論區

0 則留言
規範
  • 張貼文章或下標籤,不得有違法或侵害他人權益之言論,違者應自負法律責任。
  • 對於明知不實或過度情緒謾罵之言論,經網友檢舉或本網站發現,聯合新聞網有權逕予刪除文章、停權或解除會員資格。不同意上述規範者,請勿張貼文章。
  • 對於無意義、與本文無關、明知不實、謾罵之標籤,聯合新聞網有權逕予刪除標籤、停權或解除會員資格。不同意上述規範者,請勿下標籤。
  • 凡「暱稱」涉及謾罵、髒話穢言、侵害他人權利,聯合新聞網有權逕予刪除發言文章、停權或解除會員資格。不同意上述規範者,請勿張貼文章。