【台語極短篇】劉靜娟/縛佇樹仔的韆鞦

彼間偏僻的民宿有一欉三四層樓懸(高)的小葉欖仁樹,暗時阮「摸」到遐的時,我就予伊煞(sannh,迷)著。伊姿態足媠,徛(khiā,站)佇光線無啥明的所在,有一種神祕的魅力。第二工早時,氣氛無仝,樹仔清清爽爽。主人講樹仔是十七年前in(他們)來買這塊地的時就種的;十七歲,當青春。樹椏跤閣有吊一個韆鞦,敢若一幅春天的田園圖。

誠久毋捌(不曾)看著這款物件,想著做囡仔的時,我幌韆鞦足本等,徛咧抑是坐咧,攏會當幌到天頂——毋是天頂,是會超過吊韆鞦的鐵管/樹箍啦。有時和同學相對徛咧幌,嘛真心適。

我兩個囝細漢的時有幌過無?竟然想袂起來。

雖然毋是耍這的年紀,既然出門度假,做「非常」的代誌敢袂使?我就按呢坐佇狹狹的柴板頂頭,開始幌;輕輕幌一二十下,頭殼就淡薄仔眩起來。我本來就是平衡感無好的人,連佇公車頂頭看手機仔也會眩啊。

但是,有翕相(hip-siòng,拍照)有證據,會當提來展,我共相片貼佇拜四食飯團Line群組,也發表感想,「這陣台北的公園敢若罕得看著韆鞦,我看過的韓國連續劇內底,in出現幾若遍;坐佇韆鞦頂家己想心事,抑是兩人講話,特別有故事、有氣氛呢。」

紲落去(suà--lo̍h-khì,接下來)怨嘆:「咱的公園若有韆鞦,佇遐(hia,那兒)曝日頭、開講,就會當幌幾下矣。」啥人知影,隨有人回我,「小姐,你有看無見,咱的公園有韆鞦啊。」

有影?佇遐出出入入歹算擺,哪會毋捌看著?正經大目新娘無看見灶。我去遐的時,愛抾(khioh,拾)落落來塗跤的葉仔,尤其是麵包樹的;竟然無去注意著遐的運動遊樂設備。人的目睭看的和頭殼記起來的,攏是選擇性的啊。

第二日去厝附近的公園運動,我斡(uat,轉)去看邊仔的小遊樂場,也有韆鞦!

不過,毋是縛佇樹仔的韆鞦,猶是較無美感,莫怪我袂去注意著。

有故事 公車

延伸閱讀

台大法律系高材生頂撞沒上過學的父母 轉念才發現輸得徹底

吊臂車疑下坡煞車失靈 暴走台14甲線撞倒電線桿

影/命大!妙齡女為拍照踩空摔70米溪床 僅擦傷

【台語兒童公民繪本與微動畫系列3】《石虎的厝》動人圖文搶先看!

相關新聞

【聯副不打烊畫廊】詹賀油彩作品〈鋼琴師〉

●「荒謬劇──疫情下的獨白」於南畫廊(台北市敦化南路一段200號3F)展至6月5日。

沈信宏/愛著愛著就忘了

這幾天,IZ*ONE在線上演唱會無預警地解散了。

【跨界時代】黃麗如/以酒與聶魯達相遇

傍晚,行走在Maruri街,天空已露出點點彩雲。朋友一直遊說我搭纜車到聖克里斯托瓦爾山的聖母教堂看城市暮色,他說:「在那...

林谷芳/禪在鎌倉(下)

對日本禪,兩岸實修的禪家與文化人之間呈現著有意思的不同褒貶。禪家,尤其是經過抗戰的,不管是基於對唐.五代的舉揚,或站在禪...

【文學的社會事件簿】吳晟/悲傷溪州糖廠(上)

2017年台北國際書展會場,和文學好友汪其楣教授相遇,她告訴我有一篇我的家鄉溪州糖廠子弟的臉書貼文,敘述她對生於斯、成長於斯、夢中永遠的故鄉溪州糖廠,無盡的感懷。我表示很想看,但我還不會用臉書、我們還不是「臉友」,我請兒子從汪其楣的臉書搜尋,列印下來,收藏在我的資料夾。

【文學相對論6月 二之二】鍾玲vs.陳義芝/死亡的黑洞

小時候,家居荒僻,門前經常有喪葬隊伍經過,吹吹打打,顯示有人又去到了另一個世界。

商品推薦

udn討論區

0 則留言
規範
  • 張貼文章或下標籤,不得有違法或侵害他人權益之言論,違者應自負法律責任。
  • 對於明知不實或過度情緒謾罵之言論,經網友檢舉或本網站發現,聯合新聞網有權逕予刪除文章、停權或解除會員資格。不同意上述規範者,請勿張貼文章。
  • 對於無意義、與本文無關、明知不實、謾罵之標籤,聯合新聞網有權逕予刪除標籤、停權或解除會員資格。不同意上述規範者,請勿下標籤。
  • 凡「暱稱」涉及謾罵、髒話穢言、侵害他人權利,聯合新聞網有權逕予刪除發言文章、停權或解除會員資格。不同意上述規範者,請勿張貼文章。